ԵՐԿՈՒ ՍԵՎ ԱՄՊ՛
Վաղուց թողած բարձր ու կանաչ
Գահը իրենց հանգըստության,
Երկու սև ամպ հողմի առաջ
Գընում էին հալածական։
Հողմը սակայն չար հոսանքով
Բաժնել, ջոկել չէր կարենում,
Ինչքան նըրանց լայն երկնքով
Դես ու դեն էր քըշում, տանում։
Ու անդադար գընում էին՝
Քըշված հողմի կատաղությամբ,
Իրար կըպած ու միասին,
Երկու սև ամպ, երկու սև ամպ…
Առաջադրանքներ
- Բանաստեղծությունից դուրս գրեք անծանոթ բառերը, բացատրեք։
- հալածական -հալածված, հալածվող
- Բաժնել-բաժանել
- Մգացրած բառերի համար իմաստով հակառակ զույգեր գրեք։
- Վաղուց- նոր, հիմա
- Բարձր- ցածր
- Բաժնել-միացնել, միավորել, հավաքել
- լայն- նեղ
- տանում- բերում
- միասին- անջատ,բաժան
- Ինչ կանաչ գահի մասին է խոսքը՝ «Վաղուց թողած բարձր ու կանաչ
Գահը իրենց հանգըստության» Սարի մասին է խոսքը, որոնց վրա ամպերը նստել են։ - Ձեզ սև, թե՞ սպիտակ ամպերն են դուր գալիս, պատասխանը պատճառաբանեք։
- Ինձ դուր են գալիս սպիտակ անպերը, որովհետև ինձ պարգևում է հանգստություև, խաղաղություն և պարզություն։ Սպիտակ ամպերի ժամանակ եղանակը պարզ է։ Սև ամպեր չեմ սիրում, որովհետև այդ ժամանակ երկինքը մռայլ է և տխուր։
- Փորձեք պատկերացնել երկու սև ամպերին և նրանց մասին պատմություն հորինել։
- երկու սև ամպ հանդիպեցին և որոշեցին, այնպես անել ,որ ուժեղ անձրև և կարկուտ բերեն։ Մթնեցին սևացան, բայց մեկ էլ հայտնվեցին քամին ու արևը;Նրանք միասին որոշեցին այնպես անել,որ անձրև չգա ու երկու ամպն էլ խաղաղվեն։ Քամին փչեց և ցրեց գորշ ու մթնած ամպերին ու այդ պահին ծագեց արևը ։ Երկու ամպն էլ ստիպված ցրվեցին և փայլատակեցին արևի շողերը։ Նրանք չկարողացան անել իրենց սև գործը։